ახალი ამბები

ამერიკის სახელმწიფო მდივნის თქმით, ამ დროისთვის ევროპაში ყველაზე ძლიერი უკრაინას ჰყავს, ხოლო მიმდინარე ომში რუსეთი 5-ჯერ მეტ ჯარისკაცს კარგავს. 

ვითარების არსი: ამის შესახებ მარკო რუბიომ ამერიკის საპრეზიდენტო თვითმფრინავში, პეკინიდან გამოფრენამდე ჟურნალისტებთან ურთიერთობისას განაცხადა. 

• რუბიოს თქმით, რუსეთთან ომში უკრაინას მოუხდა მიემართა ინოვაციებისთვის და განევითარებინა ახალი ასიმეტრიული შეიარაღება და ტექნოლოგიები - "უდავოდ, ეს ძალიან შთამბეჭდავია." 

ჩაშლილად: ამასთანავე, რუბიოს მიმდინარე ომში რუსეთი უკრაინაზე 5-ჯერ მეტ ჯარისკაცს კარგავს. 

• "უკრაინის შეიარაღებული ძალები ამ დროისთვის ევროპის უძლიერესი არმიაა, ამაზე ორი აზრი არ არსებობს. მათ შორის იმ დახმარების გამოც, რომელიც მიიღეს, მაგრამ ასევე საბრძოლო გამოცდილების გამოც"- განაცხადა რუბიომ. 
• სახელმწიფო მდივნის თქმით, ომში რუსეთის დანაკარგები მკვეთრად იზრდება, საუბარია თვეში დაახლოებით 15-20 ათას "მოკლულ ჯარისკაცზე, არა დაჭრილზე"- დააზუსტა რუბიომ. 

დიდი სურათი: სახელმწიფო მდივანმა აღიარა, რომ გასულ თვეებში რუსეთ-უკრაინის მოლაპარაკებები სხვადასხვა ფაქტორების გამო ჩიხში შევიდა - "უკრაინამ გადაიტანა ზამთარი და ისინი უფრო თავდაჯერებულები არიან, ნავთობის გაძვირების გამო ოპტიმიზმს განიცდის რუსეთიც." 

• სირთულეების მიუხედავად, რუბიოს თქმით, ვაშინგტონში ჯერ კიდევ აქვთ იმედი, რომ ომი მალე დასრულდება.