ახალი ამბები

13 აგვისტოს უკრაინისა და ევროპელი მოკავშირეების ლიდერებთან გამართულ ონლაინ კონფერენციაზე დონალდ ტრამპმა განაცხადა, რომ ვლადიმირ პუტინთან შეხვედრისას არ აპირებს ტერიტორიული საკითხების განხილვას. 

State Of Play: ინფორმაციას ამის შესახებ ვითარებაში გაცნობიერებულ წყაროებზე დაყრდნობით ტელეარხი NBC ავრცელებს - წყაროების ცნობით, პუტინთან შეხვედრისას ამერიკელი პრეზიდენტის მთავარი მიზანი ცეცხლის შეწყვეტის შეთანხმების უზრუნველჰყოფა იქნება. 

• წყაროების ცნობით, დასავლელი მოკავშირეები შეთანხმდნენ, რომ სამშვიდობო მოლაპარაკებების დაწყებამდე აუცილებელი იქნება ცეცხლის შეწყვეტა. 
  
  
• ტრამპთან საუბრის შემდეგ ევროპელ ლიდერებს დარჩათ შთაბეჭდილება, რომ ამერიკელი პრეზიდენტი არ არის განწყობილი ოპტიმისტურად შეხვედრის შედეგებთან დაკავშირებით. 

Big Picture: ტერიტორიების შესაძლო გაცვლის საკითხი განსაკუთრებით მას შემდეგ გახდა აქტუალური რაც იდეა თავად ამერიკელმა პრეზიდენტმა რამდენიმეჯერ გააჟღერა. 

• ტერიტორიების შესახებ ტრამპის მიერ გავრცელებულმა განცხადებებმა უკრაინელი პრეზიდენტისა და ევროპელი ლიდერების შფოთვა გამოიწვია. 
  
  
• წყაროების ცნობით, ონლაინ კონფერენციის მიმდინარეობისას ლიდერები შეთანხმდნენ, რომ ცეცხლის შეწყვეტაზე უარის შემთხვევაში ამერიკა რუსეთის მიმართ დაწესებულ სანქციებს გაამკაცრებდა. 
  
  
• საუბრის შედეგად ევროპელი ლიდერები კმაყოფილები დარჩნენ ამერიკელი პრეზიდენტის გეგმით და მიიჩნიეს, რომ ცეცხლის შეწყვეტაზე პუტინთან შეხვედრისას დონალდ ტრამპის პრიორიტეტი იქნება. 
  
  
• "ტერიტორიების საკითხი არ იქნება განხილული უკრაინის მონაწილეობის გარეშე"- ამბობს ტელეარხთან საუბარში ერთ-ერთი წყარო. 
  
  

Context: პოზიტიური განწყობის მიუხედავად ევროპელი მაღალჩინოსნები შიშობენ, რომ ამერიკელი პრეზიდენტის პოზიციები შესაძლოა სწრაფად შეიცვალოს - მათი ღელვა არ არის უსაფუძვლო, რადგანაც აქამდე ამერიკელი პრეზიდეტი თავს იკავებდა რუსეთის მიმართ დამატებითი წნეხისგან.

• ევროპელ ლიდერებთან გამართულ საუბარს "ძალიან კარგი" უწოდა დონალდ ტრამპმა და ამავე განცხადებაში კიდევ ერთხელ განაცხადა, რომ ომის დასრულებაზე უარის შეთმხვევაში რუსეთისთვის მკაცრი შედეგები დადგება. 
  
  

Go Deeper: WSJ: პუტინთან შეხვედრამდე ტრამპი უკრაინის წითელ ხაზებს დათანხმდა