ახალი ამბები

ვლადიმირ პუტინი პირველად გამოეხმაურა დონალდ ტრამპის მიერ ორგანიზებული ე.წ. მშვიდობის საბჭოში რუსეთის მოწვევას და განაცხადა, რომ რუსეთი მზად არის განიხილოს ეს წინადადება. 

ვითარების არსი: ამის შესახებ რუსეთის პრეზიდენტი უსაფრთხოების საბჭოს სხდომაზე განაცხადა. 

• "რაც შეეხება ჩვენს მონაწილეობას მშვიდობის საბჭოში, საგარეო საქმეთა სამინისტროს დავავალე შეისწავლონ მიღებული დოკუმენტები, გაიარონ კონსულტაციები ჩვენ სტრატეგიულ პარტნიორებთან და მხოლოდ ამის შემდეგ შევძლებთ პასუხს მიღებულ წინადადებაზე"- განაცხადა პუტინმა. 
  
  
• საყურადღებოა, რომ ცოტა ხნით ადრე ჟურნალისტებთან ურთიერთობისას დონალდ ტრამპმა განაცხადა, რომ ვლადიმირ პუტინი უკვე დათანხმდა მის წინადადებას - "ის მიიწვიეს და მან ეს წინადადება მიიღო, ბევრი სხვაც დათანხმდა."

ჩაშლილად: ამასთანავე პუტინის თქმით, საბოლო თანხმობის შემთხვევაში საბჭოში გასაწევრიანებელ 1 მილიარდ დოლარს რუსეთი ამერიკაში გაყინული რუსული აქტივებიდან გადაიხდის. 

• პუტინის თქმით, ამერიკა და რუსეთი განიხილავენ გაყინული აქტივების გამოყენებას ე.წ. სპეციალური სამხედრო ოპერაციის ზონაში დაზიანებული დასახლებული პუნქტებისა და ინფრასტრუქტურის აღსადგენად. 

დიდი სურათი: რუსეთის პრეზიდენტი გამოეხმაურა გრენლანდიის ირგვლივ განვითარებულ მოვლენებსაც და განაცხადა, რომ რუსეთს ეს "საერთოდ არ ეხება." 

• ამასთანავე პუტინმა გაიხსენა ალასკის შესყიდვის შესახებ რუსეთის იმპერიის მიერ ამერიკასთან გაფორმებული ხელშეკრულება და დაიანგარიშა გრენლანდიის შესაძლო საბაზრო ღირებულებაც. 

კონტექსტი: მოვლენები წინ უძღვის ვლადიმირ პუტინისა და დონალდ ტრამპის სპეციალური წარმომადგენლების სტივ უიტკოფისა და ჯარედ კუშნერის შეხვედრას, რომელიც 22 იანვარს მოსკოვში გაიმართება. 

• შეხვედრის მთავარი თემა დიდი სამშვიდობო შეთანხმებაა, რომელიც ამერიკული მხარის თქმით, უკვე თითქმის 90%-ითაა შეთანხმებული უკრაინასთან.