ახალი ამბები

ამერიკის შეერთებული შტატების პრეზიდენტმა უკრაინულ ქალაქ სუმიზე რუსეთის მიერ განხორციელებულ სარაკეტო დარტყმას, რომელსაც 34 მშვიდობიანი მოქალაქე ემსხვერპლა შემზარავი უწოდა, თუმცა უშუალოდ რუსეთი არ უხსენებია. 

State Of Play: ამის შესახებ დონალდ ტრამპმა, საპრეზიდენტო ბორტზე ჟურნალისტებთან ურთიერთობისას განაცხადა. ამერიკელი პრეზიდენტის ციტატას საინფორმაციო სააგენტო Reuters ავრცელებს. 

• "მე ვფიქრობ, ეს საშინელებაა. მე მითხრეს, რომ მათ დაუშვეს შეცდომა, მე ვფიქრობ, რომ ეს საშინელებაა. ვფიქრობ, რომ მთელი ეს ომი საშინელებაა"- თქვა ტრამპმა. 
  
  
• ჟურნალისტების დამაზუსტებელ კითხვაზე თუ ვის შეცდომას გულისხმობდა ტრამპს უშუალოდ რუსეთი არ უხსენებია - "მე ვფიქრობ, მათ შეცდომა დაუშვეს, მათ უნდა კითხოთ."

Big Picture:  რუსეთი არ არის ნახსენები სუმიზე განხორციელებული სარაკეტო დარტყმის შესახებ თეთრი სახლის მიერ გავრცელებულ განცხადებაში. 

• თეთრი სახლის განცხადებას წინ უძღოდა სახელმწიფო მდივნის გამოხმაურება, რომელშიც მარკო რუბიო სამძიმარს გამოთქვამდა "რუსეთის შემზარავი სარაკეტო დარტყმის მსხვერპლთა ოჯახის წევრების მიმართ."

Context: 13 აპრილს, მართლმადიდებლურ ბზობაზე რუსეთის მიერ ქალაქ სუმიზე განხორციელებულ სარაკეტო დარტყმას 34 მშვიდობიანი მოქალაქე ემსხვერპლა, მათ შორის 2 ბავშვი, დაჭრილია 117 ადამიანი. 

• დარტყმა ქალაქის საკათედრო ტაძარში ბზობის წირვის დროს განხორციელდა - ეს 2025 წელს რუსეთის მიერ განხორციელებული ყველაზე სისხლიანი სარაკეტო შეტევაა.