ახალი ამბები

თურქეთსა და სომხეთს შორის არსებული ორივე სასაზღვრო გამშვები პუნქტი შესაძლოა რამდენიმე თვეში გაიხსნას. სომხურმა მხარემ უკვე დაასრულა საჭირო მოსამზადებელი სამუშაოები, თურქული მხარე კი ფინალურ ეტაპზეა.

ვითარების არსი: Deutsche Welle-ს ცნობით, ათწლეულების განმავლობაში არსებული მტრობის შემდეგ, ორი ქვეყანა 1993 წლიდან ჩაკეტილი საზღვრის გახსნასთან ძალიან ახლოსაა.

• საზღვრის გახსნა დიდი პოლიტიკური გამარჯვება იქნება ნიკოლ ფაშინიანისთვის, რომელიც ანკარასთან ურთიერთობების ნორმალიზებას ცდილობს.
• თუ გამშვები პუნქტები სომხეთში ივნისში დაგეგმილ საპარლამენტო არჩევნებამდე ამოქმედდება, ეს მისი საგარეო პოლიტიკის სასარგებლოდ კიდევ ერთი არგუმენტი იქნება. 

ჩაშლილად: ამჟამად ორ ქვეყანას შორის ვაჭრობა საქართველოს გავლით მიმდინარეობს და წელიწადში დაახლოებით 300–350 მილიონ დოლარს შეადგენს.

• თურქეთ-სომხეთის ბიზნესსაბჭოს ხელმძღვანელი კაან სოიაკი დარწმუნებულია, რომ პირდაპირი მიმოსვლა სავაჭრო ბრუნვის ერთ მილიარდ დოლარამდე გაზრდის.
• თურქეთის აღმოსავლეთ პროვინციები, რომლებიც ქვეყანაში ერთ-ერთი ყველაზე ღარიბია, საზღვრის გახსნაზე დიდ იმედებს ამყარებენ: ადგილობრივი ბიზნესი ვაჭრობისა და ტურიზმის ზრდას ელოდება.

დიდი სურათი: დამატებით სტიმულს წარმოადგენს პროექტი TRIPP ანუ ე.წ. "ზანგეზურის დერეფანი" - საავტომობილო და სარკინიგზო მარშრუტი სომხეთის გავლით, რომელიც აზერბაიჯანს ნახიჩევანთან და შემდგომ თურქეთთან დააკავშირებს.  

• აზერბაიჯანთან და თურქეთთან სამშვიდობო პროცესის ბედს 2026 წლის ივნისში დაგეგმილი საპარლამენტო არჩევნები გადაწყვეტს.
• საერთაშორისო რესპუბლიკური ინსტიტუტის (IRI) კვლევის თანახმად, იმ ამომრჩეველთა შორის, ვინც არჩევნებზე მიდის, პირველ ადგილზე ნიკოლ ფაშინიანის პარტია "სამოქალაქო კონტრაქტია" - 29%, მეორე ადგილზე სამველ კარაპეტიანის "ძლიერი სომხეთი" - 11%, მას მოსდევს ექს-პრეზიდენტ რობერტ ქოჩარიანის ალიანსი - 4% და გაგიკ წარუკიანის "აყვავებული სომხეთი" - 2%.
• სხვა პარტიების მხარდაჭერა 2%-ზე ნაკლებია. აღსანიშნავია, რომ გამოკითხულთა 28%-ს გადაწყვეტილება არ მიუღია და 11%-მა პასუხზე უარი განაცხადა. სწორედ ამ ადამიანების არჩევანი გადაწყვეტს 2026 წლის არჩევნების ბედს.