ახალი ამბები

რუსეთის რამდენიმე ქალაქში Telegram-ის დაბლოკვის საწინააღმდეგო საპროტესტო აქციები გაიმართა.

ჩაშლილად: საპროტესტო აქციებზე გამოსული ადამიანების ნაწილი სამართალდამცავებმა დააკავეს.

• ბოლო მონაცემებით, ამ დროისთვის სულ დაკავებულია 23 ადამიანი.
  
  
• აქედან 17 მომიტინგე დაკავებულია მოსკოვში, 3 - სანქტ-პეტერბურგში, 2 - კალუგაში და 1 - ვორონეჟში.
  
  
• დაკავებულებს ბრალს სდებენ შემდეგ ადმინისტრაციულ სამართალდარღვევებში: მიტინგის წესების დარღვევა, წვრილმანი ხულიგნობა, პოლიციის დაუმორჩილებლობა.
  
  
• 3 დაკავებულის თქმით, განყოფილებაში პოლიციელები ფიზიკურად გაუსწორდნენ.
  
  
• 4 დაკავებულს სასამართლომ 15-დღიანი პატიმრობა მიუსაჯა.
  
  
• აქციის ორგანიზატორების დაჭერა სამართალდამცავებმა 2 კვირით ადრე დაიწყეს. მაგალითისთვის 19 მარტს დააკავეს 10 ადამიანი, 7 მათგანს ადმინისტრაციული პატიმრობა მიესაჯა.

წინარე ისტორია: ტელეგრამის მასიური დაბლოკვა რუსეთის ხელისუფლებამ 14 მარტს დაიწყო.

• დაბლოკვის მიზანია რუსეთის მოქალაქეების სრული იზოლაცია ინფორმაციის დამოუკიდებელი წყაროებისგან.
  
  
• სოცქსელების დაბლოკვის შემდეგ სწორედ Telegram-ი გახდა ინფორმაციის მიღების ერთ-ერთი მთავარი წყარო.
  
  
• მესინჯერის ბლოკირებას პროსამთავრობო ძალებისა და მართვადი ოპოზიციის ნაწილიც უარყოფითად შეხვდა.
  
  
• გარდა ანტისამთავრობო მედიებისა, Telegram-ს ასევე იყენებენ ომის პროპაგანდისტები, კრემლის საინფორმაციო არხები. გარდა ამისა, ფრონტზე მყოფი მებრძოლების დიდ ნაწილს ოჯახის წევრებთან კომუნიკაცია Telegram-ით აქვთ.