ახალი ამბები

დონალდ ტრამპი ვლადიმირ პუტინთან გამართულ სატელეფონო საუბარს "ძალიან კარგი" უწოდა და განაცხადა, რომ საუბრის ატმოსფერო "შესანიშნავი" იყო - ამერიკელი პრეზიდენტის თქმით, რუსეთი და უკრაინა დაუყოვნებლივ დაიწყებენ მოლაპარაკებებს ცეცხლის შეწყვეტის შესახებ. 

State Of Play: ამის შესახებ დონალდ ტრამპი საკუთარ სოციალურ ქსელში წერს - ეს ინაუგურაციის შემდეგ დონალდ ტრამპსა და ვლადიმირ პუტინს შორის გამართული რიგით მესამე სატელეფონო საუბარი იყო. 

• "რუსეთი და უკრაინა დაუყოვნებლივ დაიწყებენ მოლაპარაკებებს ცეცხლის შეწყვეტისა და რაც უფრო მნიშვნელოვანი ომის დასრულების შესახებ. შეთანხმების პირობებზე 2 მხარე შეთანხმდება და ეს ასეც უნდა იყოს, რადგანაც მხოლოდ მათ იციან მოლაპარაკებების დეტალები"- წერს ტრამპი. 
  
  
• ამერიკელი პრეზიდენტის თქმით, სატელეფონო საუბრის შედეგების შესახებ უკვე აცნობა ევროპელ კოლეგებს, მათ შორის ემანუელ მაკრონსა, ფრიდრიხ მერცს, ალექსანდრ სტუბსა და სხვებს. 
  
  
• ტრამპი აღნიშნულ პოსტში ვატიკანის როლზე მიუთითებს - "რომის პაპმა განაცხადა, რომ დაინტერესებულია მოლაპარაკებების მასპინძლობით. პროცესის მალე უნდა დაიწყოს"- წერს ტრამპი. 
  
  

Big Picture: ტრამპის მიერ გავრცელებულ განცხადებაში არაფერია ნათქვამია ცეცხლის 30 დღით შეწყვეტის მოთხოვნაზე, რომელიც ამერიკელი პრეზიდენტის ადმინისტრაციამ ჯერ კიდევ მარტში წარადგინა და რომელიც კრემლმა უარყო. 

• ტრამპის პოსტში არაფერია ნათქვამია სანქციების გამკაცრების შესახებ. 
  
  
• ცოტა ხნით ადრე ცნობილი გახდა, რომ პუტინთან სატელეფონო საუბრამდე შედგა ტრამპისა და ვოლოდიმირ ზელენსკის დიალოგი. 
  
  

Сontext: ტრამპთან გამართულ სატელეფონო საუბარს კონსტრუქციული უწოდა ვლადიმირ პუტინმა და განაცხადა, რომ რუსეთი მზად არის დაიწყოს მუშაობა დიდი შეთანხმების მემორანდუმზე, რომლის ფარგლებში შესაძლოა შეთანხმდეს ცეცხლის შეწყვეტის პირობებიც. 

• ამასთანავე პუტინის თქმით, რუსეთის პოზიცია "კარგად არის ცნობილი და საჭიროა კონფლიქტის პირველადი მიზეზების მოგვარება."
  
  

Go Deeper: Bloomberg: პუტინი დარწმუნებულია, რომ მალე სრულად დაიპყრობს უკრაინის 4 ოლქს